Unser Musikerkollege Alexander Schindlauer, da Moa Alex, verlor am 04.01.2023 den Kampf gegen seine schwere, mit Hingabe ertragener Krankheit.
Da Alex hot mit ca. 10 Jahren Boß glernt, weil da Ostermitinger Opa ah Boß gspüt hot.
1994 isa donn zur Obawonga Musi kemma und hot se do glei recht woi gfühlt, wonn a in da Jugendzeit de Ausrücken in de frühen Morgenstunden oft woita zach woan, hot ea se ois super Bassist und liebeswerter Musikkamerad entwickelt.
Sei Lieblings Ausrückung woa oba des Glöcklblosn. Auf des hot a se immer scho gfreit, auf an lustigen und gemütlichen Tog mit seiner Partie und ah, dass ma den Tog nu mit a bissl feiern ausklinga losst.
Lieber Alex, wir bedanken uns numoi gonz herzlich bei dir für deine gute Kameradschaft, für deine gutmütige und gelassene Art, für die vielen, vielen Stunden die wir mit dir in unserer Musi verbringen durften.
Mia wean di immer in bester Erinnerung halten und du wirst immer mit uns mitspün.
